Transcription
1
Monseigneur, apres que monsieur le president de Portes ha hier receu le
2
samedy au soir treziesme mars mil Vc septante quatre les lectres de provision
3
d’un estat de conseillier en la cour de parlement du Dauphiné qu’il vous a pleu
4
poursuivre vers le roy en ma faveur en exequution de l’eedict d’erection de
5
crue de troys offices de conseilliers en ladite cour, du consentement de
6
monsieur de Sainct André. mondit sieur le president m’a expediez et delivrees
7
lesdictes lectres le jour suyvant, de sorte que le lundy quiziesme de ce
8
moys dernier, ayant presenté mesdictes lettres à messieurs de la court, ilz se
9
sont monstres si benyvolles en mon endroict que le mecredy suyvant
10
j’ay obtenu l’entherinement de mesdictes lectres de provision et de reception
11
audit estat de conseillier, et par mesme moyen mis en possession en
12
exequution dudit arrest je me tiens asseuré que votre mesmes faveur qui
13
m’a faict obtenir mesdictes lettres de provision vers le roy m’a aussy aydé
14
en une si grande expediction de l’intherinement desdictes lectres, reception
15
myenne, et institution audit estat. Pour tant de biens que j’ay receu de
16
vous, il ne seroyt en ma puyssance vous suffizamment remercier, et sera
17
votre bon playsier vous contenter de la bonne vollunté, laquelle sera tousjours
18
prompte à vous fere humble et affectionné service en toutes chouses à
19
moy possibles d’aussi bon cœur,
20
monseigneur, que je prye dieu vous volloyr donner en toute prosperité
21
et santé, longue vye, de Grenoble, ce 20e mars 1574
22
Votre humble et hobeyssant serviteur
23
Narcie